【廿四節氣專題】立春有時:今日就係立春啦!

(小編:雖然仲有少少涼)

立春係廿四節氣中第一個節氣,每年都會係公曆2月3日至4日之間,表示春天嘅開始。按照傳統黎講,生肖會以立春作為起始點。由呢一日直到立夏呢段期間,都稱為春季。 傳統上春節標誌著新一年嘅開始,而立春就係真正春天嘅開始。

話說立春呢日中國有唔同習俗,例如「鞭春」(扮演勾芒神所手執楊柳或絲杖鞭打土牛,示意喚醒牛隻準備耕作)、「咬春」(用餅皮包裹生菜,做成春餅或春卷,大家分食,祈求身體健康)、仲有「立蛋」(嘗試豎立雞蛋,祈求平安)等等。

有個關於「立蛋」嘅軼事:抗戰期間1945年,中華民國記者魏景蒙係重慶發表一篇特稿,宣稱係立春時可以立蛋係因為個日太陽引力同地球引力互拉,仲用埋相片為證。美國各大報紙紛紛刊登,覺得戰局低沉但係中國人士氣旺盛,竟然有閑情做立春,而係立春立蛋嘅遊戲亦都因此由中國流傳到歐美,亦都有係晝夜平分點時,蛋易啲立起嘅都市傳說。有歐美科學家批評呢個係偽科學,有中國學者都表示:「豎蛋確是事實而日期不必立春。」

小編都試緊「立蛋」,不過真心好難啊……

圖:初春的白梅