廿四氣節專題(導讀)

農曆新年假期話咁快就完咗,又開始咗新嘅一年。雖然我地平時都係用開西方睯新曆,但係都仲係會過一啲農曆嘅節日。其實農曆係中國嘅歷史可以講係源遠流長,非常精密,對於舊時以農業為主嘅社會有好大作用。

大家都知道農曆一個月有大概廿八日,係根據月亮圓缺黎制定嘅,但係正式啲黎講其實農珣係一種「陰陽合曆」,分別根據日、月嘅運行制定:月嘅部分以朔望月為基準,歲就係以回歸年(太陽年)為基準。陽曆每回歸年約365.2422天,廿四節氣據此而劃分。

中國古代主要會利用土圭實測日晷,將每年日影最長定為「日至」,日影最短為「日短至」。係春秋兩季,各有一天晝夜時間長短相等,就定為「春分」和「秋分」。商朝時其實只有四個節氣(即四季),到了周朝時已經發展到了八個,到秦漢年間,廿四節氣已經完全確立。及至漢朝,鄧平等制定咗《太初曆》,正式將廿四節氣訂於曆法,明確廿四節氣嘅天文位置。

每一個節氣分別相應於太陽係黃道上每運動15°所到達的一定位置。二十四節氣又分為12個節氣和12個中氣,一一相間。由於廿四節氣反映太陽嘅周年運動,所以係陽曆中它們的日期是相對固定的,上半年嘅節氣大概會係6號,中氣係21號,下半年的節氣大概會係8號,中氣係23號,前後差可能1~2日。

廿四節氣嘅命名反應咗季節同氣候的變化。立春、春分、立夏、夏至、立秋、秋分、立冬、冬至,又稱八位,是區分公轉運動對於地球影響的八個關鍵節點;雨水、驚蟄、清明、穀雨、小滿、芒種、小暑、大暑、處暑、白露、寒露、霜降、小雪、大雪、小寒、大寒等十六個則反映了四季中更細微的氣候變化。

係黎緊一年,小編都會同大家過下唔同嘅節氣…介紹下唔同嘅習俗同埋中國嘅傳統智慧。

Admin ThatGuy

那個傢伙,以科學為樂,科維編輯。