你不可不知的:季候風冷知識…

近排又開始會轉冷啦…小編同你睇下關於季候風嘅大小二事…
你又知幾多呢?

首先,咩係季候風先?
季候風係陸地同海洋隨著季節演變,因為溫度差距而形成嘅大尺度風系統。由於陸地同海洋嘅吸熱同散熱能力,會係唔同季節會有唔同,會形成唔同嘅風向。

係夏天,因為陸地比海洋嘅吸熱能力更快,空氣向上升時會形成比海洋空氣更低的氣壓,形成由海洋吹向陸地嘅夏季季候風,主要風向為東南、南或西南。

相反,係冬天,因為陸地比海洋嘅散熱能力更快,會形成由陸地吹向海洋嘅冬季季候風,主要風向為北、東北或東。

季候風的分佈?
季候風係世界嘅分佈好廣,其中以亞洲東部及南部(包括印度和阿拉伯半島)最強;其他地區,包括有東非索馬里、西非幾內亞附近沿岸、北美東南岸、南美巴西東部同埋澳洲北部。

季候風嘅強度同海陸熱力差異嘅大小有直接關係:差異越大,則風力越強;反則越弱。係赤道附近,海陸溫度差異較細,季候風難以產生。當緯度漸高,海陸溫度差異漸大,季候風漸強;但係由中緯度開始,由於氣旋活動較多,風向變化複雜,季候風難以規律。所以,地球季候風最強盛嘅區域,往往就係熱帶同亞熱帶範圍內,當然包hk_monsoon_signal括香港。

強烈季候風信號
香港天文台早係1947年就開始懸掛強烈季候風信號。當香港境內任何一處接近海平面嘅地方,冬季或夏季季候風嘅平均風速現已或將會超過每小時40公里嘅時候,就會有可能掛呢個信號。但係,由於市民往往都會忽略強烈季候風信號,甚至係警告生效期間進行水上活動,造成意外。

踏入年尾,隨住北方嘅冷空氣繼續累積南下,香港嘅天氣就會明顯轉涼,個別地區嘅日夜溫差變化都會幾大,各位早出晚歸嘅朋友仔可能要帶定多件外套啦。


相關閱讀:

季候風來襲…有咩要注意?
http://www.scithink.hk/2016/11/?p=177/

季後風與版塊和海洋
http://www.scithink.hk/2016/11/?p=180/

Admin ThatGuy

那個傢伙,以科學為樂,科維編輯。